عائلة تحت الزيرو
الفصل الاول
المشهد الاول(ليل)
يفتح الستار
المسرح مظلم الى من خيط من
النور قادم من النافذة المطله على الشارع صالون
بيت يضم طاولة سفرة بنص المسرح مع ثلاث كراسي... ثلاجة من نوع القزم لا تسع لكيلو
خيار ودجاجة منتوفة... وبجانبها مغسلة...وعلى
يسار المغسلة باب مكتوب عليه قسم الحريم ...وباب اخر مكتوب عمران بيك وهناك صورة لزوجة عمران وهي كبيرة بالسن معلقة على احد الجدران وعلى
جانبها الايمن صورة عمران وهو في عز شبابه...
اذان الفجر..... يخرج عمران من غرفته ويتاكد بان القفل سليم ويذهب الى المغسلة
ليتوضاء لصلاة الفجر)
عمران
-
الحمدلله الذي احيانا بعد ان اماتنا واليه النشوراصبحنا واصبح الملك
لله الواحد الاحد الفرد الصمد…. ياسمير…. ياولد ياسمير اصحى الصلاه
ياابني…. يابنت ياسميرة اصحي الصلاه يابنتي ياام سمير.(.ينظر الى صورة
زوجه)...رحمة الله عليكي انتي معذورة
(وبداء بالوضوء بشكل بطيئ بحكم السن وعند وصوله للاقدام حاول ان يرفع
قدمه اليمنى فلم يستطع رفعها )
-
ممكن يامغسلتنا العزيزة تتلطفي وتنحني لتحت اشوية ..محسوبك مو قادر
يرفع اجره (صوت من داخل المغسلة )
-
هاظة الناقص عليا كمان مابكفييش طول انهارك اتريل وتبزك عليا كمان
انحنيلك ...قب من وجهي
عمران
له له
يامقلعطة اكبرتي والله وصارلك اللسان اي صدقيني لابدلك بطشط بلاستك ..يارب
-
(يحاول مرة اخرى ولكن المحاولة تفشل مرة اخرى )
يكلم نفسه
-
انا امبين عليا عجزت كثير ...العمر راح والاجرين صدو خلاص قربت معناته
.. هاي الدنيا والعيب فينا نحن بشر خلقنا والشيب
قدر علينا فلولا الموت كتب علينا لعشنا سنينا مالي ارى الاقدام قد وهنت لاترتفع عن
الارض مليما هانت عليا الدنيا ومغسلتي ترمقني بعين الحاسدينا تبا لكل العاشقينا
... قضينا
عمرنا انصلح امتحانات وحرق اعصاب وبالاخر طلعونا على التقاعد بعد ما اخذونا لحم ورمونا
عظم بدون كلس .... ياسمير... ياسمير... يادكتور سمير.... ابني الدكتور سمير هاي
السنه الخامسة بالجامعة سنه اولى يعني على هيك بده كمان عشرين سنه ليتخرج ويصير
طبيب ...شحدنا اللا اشوية ..
(يخرج سمير بشرته وتي شيرت مرسوم عليه جمجمة رجل افريقي وهو يحمل
صينية ببريق شاي )
سمير
-
ايوة جاي... وعندك احلا ابريق شاي عجم ركرك لابو سمير... احلا اب
واحلا واتس اب (يضع ابريق الشاي على
الطاولة ويحمل والده من الخلف) ارفع اجريك.. حطهم بالمغسلة... اغسل اليمين 3 واليسار
3 واجمعهم مع بعض يطلعو سته... اذنيك وايديك واجريك.. مبسوط ياحج... انت بس ادلع...
من بكرا... من بكرا ...رح اركبلك مصعد على المغسلة
عمران
-
...بتعرف يافاشل ليش انا
متحمل فشلك في الجامعة وثقالة دمك ...لاني بحبك ياابني وبقول ولد بالبيت احسن من
تنكة زيت ...ياسلام هيك الخلفة... ولا بلاش... انت متحملني يابا... ولا بتسب عليا بقلبك صب صب شاي لابوك يلعن ابو
اللي ربوك
سمير
-
هيك بزعل منك ابو سمير... طبعا هو في ولد محترم ومربى تربية صحيحة ما
بسب على اهله ... هههههه... لا بمزح معك يارجل.... انت ياما شلتني وانا صغير وياما ركبتني على ظهرك...
وانا دبدوب زي البرميل... هلا مابدي اتحملك وانت الاب الكبير...وهاي بوسة من خشمك
... وهاي البشكير نشف نشف.. وهاي كمان عصايتك ... بس مشان الله تحكيلي...في امل
اني اصير دكتور يعني باعتبارك انت اللي اخترتلي هاد التخصص طب بشري مع انه كان
نفسي اكون طبيب بيطري اداوي الحمير والبغال والدجاج والصراصير
-
-
عمران(يلوح بعصاه بوجه سمير)
-
ياابني انت عمرك اسمعت بحمار او بغل عالج اللي زيه
سمير
لا والله
مااسمعت
عمران
وهاد
الشي بنطبق عليك ياابني ياسمير
سمير
(مفكرا)
لا عن جد
كلامك مقنع...احكيلي عجبك الشاي
عمران
احسن اشي
بتفهم فيه
سمير
بصراحة
انا بفكر ياواالدي العزيز اذا فشلت هاي السنه بالتخرج ناوي انشالله افتح مقهى ..واسميها
الشاي الشافي في الطب الوافي
(عمران
يقوم بنكزه بالعصا فيقع سمير عن الكرسي)..
...مارايك
بالعصا الدوارة في تسكير المغارة (يضحك الاب والابن )
سمير
فعلا انها عصى لمن عصى ...بس ياوالدي ..انا شايف حالي في مجال غير هيك
...شو رايك اغير التخصص من طب لطيار حربي ...خاصة انه الامة العربية بحاجة لطيارين
اذكياء مثلي ...وذو بصيرة عالية جدا
عمران
ياولد انت انجنيت ولا انهبلت واي حصيرة هاي ...
-
خليك بحالك وبدراستك... و بلاش اتفكر اكثير...احسن مااكسر هالعصاية
عليك
سمير
-
طيب اروق ابو سمير هو مابطلعلي امزح معك احنا مش اصدقاء ...طيب سؤال
اخير..جدي المرحوم كان بالجيش صح ... شو كانت رتبته بالجيش... جندي اول ولا لواء
عمران
-
من جندي اول للواء هاي مافي عندك حل وسط... ياسيدي جدك كان ...جندي
حاف
سمير
-
حاف شو... حاف الحيط ..هو كان دهان بالجيش
عمران
-
ياابني جدك ...كان مقاتل... وبنفس الوقت.. كان طباخ المعسكر... برتبة طنجرتين ومعلقة... واخذ
وسام الزيت الذهبي في سرعة القلي... بعدين
انت المفروض اتكون صاحي من زمان... انت مش حكيت امبارح انه رح اتصلي الفجر ..
وتشرح جثة صرصور مجلوط
سمير
-
... انا دورت عليه امبارح مالقيته ...وماحدا بفوت غرفتي وانا غايب
اللا انت ...انا نفسي اعرف على شو بدور بغرفتي
عمران
-
يابا انا بحميك من نفسك لانه النفس اماره بالسوه ..وانت شب ..باول
عمرك ..وممكن الشيطان يغويك ...بمجله ولا علبة بيبسي ملغمة ...ولا صور والعياذ
بالله ...بس بصراحة مالقيت اشي عندك ...انا مربيك اكويس ..مالقيت غير ...علبة
...العجوة ..اللي حاطها على الطاولة ...
سمير
-
عجوة شو ...ياعجوة
عمران
-
ولد ...اتادب وانت بتحكي مع ابوك ...بعدين مش عيب عليك ...اتجيب عجوة
..وماطعمي ابوك منها
سمير
-
يابا ...الله يصلحك ..هاي مش عجوة ...هاظة... أأأأأأ
عمران
-
بس بس بلاش سحب افلام على ابوك ...انا متاكد انها عجوة...بس حاطين
فيها ميونيز كثير ..
سمير (يكلم نفسه)
-
اكل الصرصور ...يابا انت حاس باشي ...حاس بمغص ...بتحلم بالحمامات
كثير ...وانت نايم ...بتشوف كوابيس ...يعني مثل حفاية طايرة ...علبة بف باف
عمران
-
...انت عليك اسخونه اشي ...مريض ...
سمير
-
لا.. مافيا اشي انسى ...الله يرحمك ياابو الصراصير ...ماعليناه....اما
شو شفتلك حلم امبارح.. كنت غرقان بغرفة العمليات... اما شو عملية جراحية... لوز
امقشر
عمران
-
عملية جراحية وين يابا
سمير
-
على تختي يابا كنت قاعد بحلم اني بعمل عملية... جراحية لواحد... وبس
بلشت افتح القلب... اسمعت صوتك... فتركت
العملية واجيتك
عمران
-
افتح ايدك.. لازم توكل عصايتين من تحت الدست... انت يابا انسان مهمل...
كيف تركت قلب الزلمة مفتوح... ارجع
نام وكمل العملية حرام بجوز يموت الزلمة
سمير
-
مش مشكلة يابا بنحلمله حلم ثاني.. وبنكمله العملية... ياما ناس بتمو ت تحت العمليات... ومش احلام
بالعكس بالواقع المرير.. الطب اليوم بختلف عن ايام زمان... كان الطبيب زمان يعمل
العملية... وهو مغمض... ينتهي مفعول البنج من هون المريض يقوم زي الحصان من هون...
اما اليوم يابا اذا انكتب عمر للمريض يقوم من البنج... الله وكيلك لا بقوم مشلول...
او مابقوم من مرا ....بس لاتخاف ابنك متمكن جدا.... العملية مابتوخذ معي سيجارتين...
بخلصهم من هون بكون القلب شغال 100 % احدث طريقة مستعمله بالطب الحديث
عمران
-
انت مش مستحي اتقول قدامي انك بدخن ..
سمير
-
انا اصلا مابدخن ...بس لما بكون سكران... بحب ادخن سيجارة ..هههه...
بمزح معك..ياعوعو (عمران يضربه بالعصايه على قفاه )
عمران
-
عمرك ...لاتمزح هيك مزح معايه ...انا لااقبل بانه ...ابني البكر
...الدكتور ...يحكي كلام فاضي زي هيك ..
سمير
-
مرقها ابو سمير ...هي الحياة
بتكون حلوة بدون مزح وضحك ....انا اكتشفت
والعياذ من كلمة انا ...انه
كل مشاكل القلب من اللوز ولا... شو امفكر ياابو سمير... الطب الحديث اثبت بالبرهان
القاطع... ان اللوز والانف والاذن.. سبب كل امراض القلب
عمران
-
ياسلام .. والله العقل زينة والتياسة اللي عليك
بالدزينة..وفكرك برجع مريض القلب سليم زي اول ..
سمير
-
طبعا اهله بستلموه مش ناقص برغي
عمران
-
بستلموه ومن وين...من الكراج…. لا لا انت انجنيت رسمي ...وافرض وانت بتفك احد براغي الاكزوزت
وانكسر معك البرغي
سمير
-
كراج شو .. وبراغي شو
...بستلموه .من المشرحة ياسيدي..... لهيك انا غيرت تخصصي من طب قلوب لطب انوف
وحناجر واذنين
عمران
-
والله يابا انا شايف مستقبلك قدامي مثل ما انا شايفك هلا ... بياع
سندويشات كبدة وطحالات ولحم راس .. اقلك يابا... تعال انصلي الفجر... افضل اللي
والك ..صبح على امك الاول ..قلي اول شي انت متوضي...لاني مش شايفك مبلول
سمير
-
يعني معقول اروح الصلاة بدون وضو اي شو انا مهستر لهدرجة هاي..طبعا
متوضي بس من صلاة العشا امبارح ....(يبوس راس ابيه )...شو بتفكرني زي ابو جميلة
فاقد الذاكرة..بصلي العشا على انه الفجر
عمران
-
قول الله يعينه... ابو جميلة لما كان بعز شبابه كان زي الاسد ...ولما
كبر وعجز صارت القرود تسلى عليه
سمير
-
اسد اسد ...يعني شعر وانياب وزئير
عمران
-
له اسد احلط املط اسد وحاط حلق باذنه ....طبعا كان قد حاله بس الزمن
بخلي الفيل نمله والشجرة فحمة
سمير
-
مع انه مش باين عليه يعني اللي بشوفه بقول يادوب ..ارنب
عمران
-
عيب تحكي على زلمة قد ابوك ...ارنب صدقني كانت لما بدها التربية اتنضف المدارس من الزعران...
يودو ابو جميلة وبعد مايودوه يسكرو المدرسة..شباب زمان بتحس انها شباب رجال قد
حالهم ..مش مثل شباب اليوم ..تلفونات وفيس بوك وحب وقرف اللي يقرفكو ...لا مبداء
ولا اخلاق وفاشلين بكل شي
سمير
-
نقطة اعتراض ليش كانت المدرسة اتسكر ...فهمني اياها لو سمحت ويعني على
اساس انك يابا عايش من ايام الفراعنه اكم مرة امي الله يرحمها مسكتك بتشيت مع
جميلة ...بتذكر لما الوالدة حكت معك من المطبخ وانت فكرتها جميلة وقلتلها سكري هلا
واحكي معي بعدين لانه البقرة بالمطبخ ...الله يرحمك ياهولندية
عمران
لا فعلا انك قليل حيا مش امربى ..اتسكر لانه الشباب قد حالها يعني المدرس يفوت
ينظف يتنظف ويتشطف وشهر اجازة مرضية للمدرس حتى يقدر يمشي على اجريه ...
سمير
فعلا ابو جميلة كان اسد من اسود الافلام.... يعني زي اسد مدغشقر...
عمران
قوم قوم خلينا نكسب الصلاة لانه الحديث معك بدو خميرة حتى يصيرلو طعم
...
-
(يخرج الاثنين الى الصلاه )
(صوت عمران يكلم ابو جميله
صاحب العمرة من الخارج )
صوت عمران
-
صباح الخير ياابو جميلة... كيف الصحة ياصديق العلم والتعليم ...
صوت ابوجميله(سمعه ثقيل)
-
الكحة... هالكيتني هلك.. ومنو انته.. ليكون ابو كريم.. الساكن العديم..
اللي مادفع اجار بيته.. من شهرين
عمران
-
يازلمة انا عمران ابو سميرصاحبك.وزميلك وحبيبك . وجارك الحيط بالحيط...
كل يوم بغلبك بطاولة الزهر..
ابو جميلة
هما وصلو النهر بالحارة ...اي لعاد ذكرني انروح نصتاد سمك بدون راس
عمران
نهر شو ياابن الهبلة بقلك قاعد زهر ..طاولة
زهر ...لاحول ولا قوة اللا بالله ..عليه العوض ومنه العوض
-
وشو شايفك حافي رايح الجامع...
افتح افتح ايدك كل عصايتين مني....
سمير
-
مرحبا عمي الاسد ...يامرعب المدارس ..ياحافي القدمين ...ياملك الغابة
ابو جميله
-
مين الاهبل هاظه اللي معك
ياابو سليم ...ليكون هاظة الحرامي حرامي الحفايات ...امسكلي اياه ...خليني ارنه
علقة انا صارلي ساعة بدور على الحفاية مش املاقيها... ولك ياجميلة يامقصوفة العمر
...ولك هاتيلي الحفاية ...ياحفاية
جميلة (صوت)
ولا ابو جميلة (تخاطب ابيها) اقسم بالله وبنور الفجر الطالع ان اجيتك
لاكرفتك انت وحبي الاول عمران عن الدرج ولاشوف مين بدو يجمع قطعكو مرة تانية ...
تخرج سميرة من غرفتها وهي تفرك بعيونها من النعس ..
سميرة
كل يوم هالقصة ...ارحمونا ياناس ...تنظر الى السماء ... ارحمنا منهم
يارب ...وين الدوا ...ان قلبي الصغير مثل الواقع في البير لايتحمل كل هذا العويل...ارجع
انام ...واحلم بالحمام وريش النعام ...وعريس الغفلة اللي سارح مع الاغنام هههه
عمران
-
ول هاي جميلة امشطبة على الاخر انت ياابو جميلة مااقدرت اتلاقيلها
عريس ابن حرام يخلع اسنانها والله لو اجيكي لااكسر هالعصاية على اجنابك يابنت
الكلب (وكح كحة قوية بوجه ابو جميلة )..
ابو جميله
-
شو هي بلشت اتشتي....ولا كلب مرشح..
مين بنت الكلب
سمير
مرشح للبرلمان ههههههه
عمران
اه في غيمة كانت بثمي... فكحيتها بوجهك ...بنتك جميلة
ابو جميله
ومين الكلب...
عمران
واحد امضيع حفايته ..وشايلها بايده وبدور عليه ..
ابوجميلة
يعني مش واقف بينا ...
عمران
ليش انت سامع حدا بعوي
(يضحك الاثنين معا )
صوت سمير
-
شو رايكو اشيلكو الاثنين.. لانه على هيك.. رح انصلي الظهر اليوم.. مش
الفجر
ابوجميله
-
هههه (ويسعل بشدة و بتكرار )..الله يجازي بلايشك ياشامير ..
عمران
-
هاظة الدكتور سمير.. مش شامير ...شامير مات مثل الحمير
ابو جميله
-
اتفضلوا ..اتفضلوا على البيت ...نفطر سوا ..ولا اقلكوا ... يلله
السلام عليكم
سمير
-
ياحبيبي شو هالصباح هاظه شو
عمي ابوجميله وين راجع ...
ابوجميله
-
شو وين راجع.. راجع بيتي...
احنا مش... خلصنا صلاه
سمير
-
ياعمي بعدنا على باب الشقة ماتحركنا شبر ..راحت الصلاه..
عمران
-
يابا سيبك منه كل يوم على الحاله.. الله يجبر عليه.. الزهايمر.. قويان
معه...
(في هذه الاثناء يدخل الحرامي نادر من شباك الشقة يضع كيس اسود على
راسه ويتلفت يمينا ويسارا )
نادر(يكلم نفسه )
-
الظاهر اني غلطان في الشقة انا مذكر لما دخلت اصلح الكهربا كان في
اثاث انيق واجهزة كهربائية وتحف ولوحات في الشقة معقول حد سبقني وسرق كل شي ..انا
قربت اختنق من كيس هالزباله هاد قلت لامي هاتي جرابة نايلون ناولتني كيس ازباله ...اشرب
كاسة شاي اروق وادخنللي سيجارة امخمخ عليها...قبل التقشيط
(في هذه اللحظة تخرج سميرة الى الصالون وهي تتثاوب وتتجبد ولم تلاحظ
الحرامي )
سميرة
-
الحمدلله واخيرا راحو الصلاة ..خليني اصب كاسة شاي اروق وبعدين اشرب
دوا القلب لاني حاسة بنكزه قوية (تصب الشاي وتنظر الى نادر) شو مال عيوني ليكون
بحلم بعدني (تفرك عيونها فيختبئ نادر تحت الطاوله ) انا الت من اول اني بعدني
نايمة (تشم رائحة ) في ريحة دخان بالبيت لا بابا ولا سمير بدخنوا وبعدين حتى الحلم
لاحقني لهون ومع الريحة كمان (تضرب خدها ) اصحي اغسل وشي احسن
نادر
-
اكيد هاي البنت حرامية... وهي اللي قشطت الشقة... وقفي عندك.. انت على
مين بتتخوثي
سميرة (متفاجاءة وتصرخ )
-
حرامي حرامي...(في هذه اللحظة يضع نادر يده على فم سميرة فتفقد الوعي
وتقع على الارض ويعم الظلام المسرح الا من بقعتين ضوء على نادر الذي يقترب من
سميرة وعلى مجسم حمار يركبه مجسم فارس ابيض دلاله على حلم ينزل من الاعلى فوق سميرة )
نادر
-
حرامي مين والناس نايمين هو كل واحد لبس كيس ازباله اسود وجاكيت اسود
وبنطلون اسود ودخل من الشباك بالليل مش من
الباب صار حرامي... ياما ناس بلعت ملايين... بعز الظهر عيني عينك... وماحدا قدر
يقول عنهم حرامية... واكثر لباسهم ا اسود باسود
وعليهم حماية ...و احنا اصعب اشي بشغلنا.... لما بنلاقي شبك حماية على شبابيك
الشقق... والاصعب انك اتلاقي واحد حرامي سبقك..وحرامي ايش كتكوت امور..مثل البطيخة
هاي ..ماشالله حمرة وبدون بزر (ينظر الى
وجه سميرة )ياسلام اتقول...عنزة معموللها سحر من تيس اعور بقرط بحرف الرا... ملاك نايم في الجنه... هاي البنت جميله جدا...
وامورة بس شكلها... حرامية بنت ناس او بنت ناس ومش حرامية .. والله اقسم بالله اني
فايت على شقة ثانية وهاي البنت اكيد بنت صاحب البيت (فيحملها بين ذراعيه ويضعها على طاولة السفرة
فترفع راسها )
سميرة (بحزن)
-
مين انت.. فارس احلامي.. ولا سراق حرامي....انت مين انت الفارس الابيض..
ولا الفارس الاسود ..وبعدين مش املاقي غير حمار تيجيني عليه ...
نادر
-
المرة الجاي باجيكي بتكسي ....انا مش فارس انا نادر... انا حرامي...
والظاهر اني بدل ماادخل الشقة اللي جنبكوا دخلت شقتكوا ارجوكي اتسامحيني انا عمري
ماسرقت ولاعمري كنت حرامي بس الظروف هي السبب انا بالاصل طالب هندسة كهربائية
بتصدقي ولا بكيفك انتي حرة ...مع انه كل البنات اللي بعرفهم على الفيس حاكيلهم انا
طيار حربي ...وعندي سيارتين جاكوار وفيلا برباع الشومر ...
سميرة
-
وانا طالبه ربطة خبز من البقال اللي تحت... انت اكيد حرامي ابن ناس...
ونادر... مااشوف حرامي باخلاقك... انا اسمي سميرة بنت عمران..مريضة بالقلب...بقلك
مريضة بالقلب ..يعني لازم تتغير تعابير وجهك حزن عليا ...انت ماعندك دم ولا احساس
نادر (ينظر اليها متفاجاءً فاغرا ثمه )
مين...
سميرة
-
لا لا ليروح فكرك لقبل الميلاد بعدين اللي بتفكر فيها اسمها مريم مش
سميرة ..حرامي وغبي كمان...وياحيوان انا
بقلك مريضة بالقلب ..ولك قلي انشالله قلبي عن قلبك ..قول لو كان عندي قلبين اعطيتك
واحد منهم تسكني فيه والتاني اتاجريه وتصرفي على حالك ...شو هاظة امبين عليك لطخة ...مابتعرف اتجامل
الحرامي نادر
-
والله لو كان عندي قلبين لخبيت واحد اسبير للمستقبل...انا ...انا اسمي نادر... ونادر مااشوف بنت عندها كل هالمشاعر
والاحاسيس... انتي حرام اتكوني مريضة بالقلب..يعني لو كنتي مريضة بالسرطان كان
اشوى ..
سميرة
امك خلفت
غيرك...
نادر
بتاتا
...كلا انا خلفتها الوحيدة ..
سميرة
ممكن لو
سمحت اجيبلي الدوا من الثلاجة ....
نادر
اي ثلاجة
...انا مش شايف اي ثلاجة عندكو...اه تلاجة بيبي
سميرة
شايف
المغسلة ...على مستوى المغسله على اليمين في ثلاجة بعدها بسن المراهقة ..حجم اقزام
افتحها وجيبلي الدوا
عمران (يتناول
علبة دوا )
ههههههه
هاي ثلاجة ولا صوبة فوجيكا ...اتفضلي بالشفا ...دوكسجين
-
انا سامع اجرين على الدرج
سميرة
-
اكيد هاد بابا واحوي سمير... رجعوا من الصلاه واذا مسكوك... رح توكل
اتل تفرق على الجيران... وبابا مدرس اكيد رح يسحلك فلكة مااكلها حمار في طلوع ياهلا....
نادر
-
طيب ممكن تعطيني تذكار منك ...اي شي المهم مااطلع فاضي
سميرة
بوس ايدي ...
نادر
هو انا جاي ابوس ايدين ياخالتي بقلك اشي ابيعة ..
سميرة
استنى عندك ..رح اعطيك لوحة من لوحاتي اللي برسمها..(فدخلت واحظرت
لوحة )
نادر
لوحة ...راسميتلي شجرتين ...وشمس على شكل مكعب ...وراسمه بني ادم على
شكل خطوط ..
سميرة
ولك ياجحش ..شو بتفكرني ..تلميذة في الصف الرابع..راسمة على دفتر رسم
..اللي قدامك رسامة محترفة وعندها لوحات...اتفضل متع عيونك
نادر
مش معقول ...والله اتقول ..منسف على فول ..لوحة الفطور الاخير ..
سميرة
فطور يافجعان ..هي اسمها العشاء الاخير ..بس هاي اللوحة اسمها
..الفوضى في عالم الرجال ..
نادر
اقلك احسن اشي ...اشيل الثلاجة القزم هاي ... (يحمل اللوحة والثلاجة ويقفز من الشباك قبل ان
يفتح باب الشقة ويدخل سمير وعمران)
نادر (بتالم )
اخ ياراسي ..اخ ياايدي...الله يخربيتكو ...كان حكيتو انه تحت الشباك
وادي ...
سمير
-
مالك ياسميرة مقعمزة فوق الطاولة --- اتقول سخلة هاربة من جدتها
عمران
-
خير يابنتي ..وجهك اصفر ليش يابا ...اسم الله عليكي ...ماخذة دوا
..الحاله اجتك
سميرة
-
لاتخاف بابا مافي شي ...بس حسيت بنغزة قوية ...وغيبت يابابا... وكاني
كنت بحلم بحلم جميل وفجاء نزل عليا فارس
حملني على حماره ونيمني على طاوله السفرة
عمران
-
فارس وراكب حمار ....يعني مش حصان ....شو هالزمن هاظة ...كل شي اتغير
واتشقلب فيه ...الفارس صار يجي على حمار مش حصان ..
سمير
كل شي غلي يابا ...الحصان
بسحب بترول اكثر ...الحمار ...حطله بربيكان ملت بمشي ..
عمران
-
...متاكدة يابابا انه اللي كان راكب فارس انت متاكدة يابا انك كنتي
بتحلمي لانه احنا بزمن مافي فرسان... احنا بزمن القراصنه واتخن زعيم عنا صار قرصان...
زمن الفرس والاحصنه ولى وراح... هلا زمن الحمير اللي مش مستحمرة ولا مستحية من حد...
30 سنه بدرس... 30 سنه انبح صوتي....
الحنجرة قلبت عندي زمارة واللي اتخرجوا على ايدي صارو وزرا مدراء سفرا اصحاب شركات
وانا بعدني بزمر مثل ماانا وجاي اتقولي حصان وفارس
سمير
-
خلص يابا... والله قطعت قلبي عليك يعني مين قلك تتجوز وتخلف هيك عاهات
مش كان خليتها يوتيوب احسنلك
عمران
-
يوتيوب ايش يامتخلف ...
سمير
اعفيني من الشرح ..محضورة في رادار واقف ..في مسمار بينا
عمران
بس بس
بلا يوتيوب واعجال وسواليفك البايخة ...... انا خلفت وردات حياتي مزهريات عمري
بالعكس انا مرتاح جدا انه عندي ولد وبنت مثلكو انتو فخر الامة انتو بريق المستعمل
قصدي المستقبل
سميرة
-
ماشي ياابو سمير احنا البريق المستعمل لعلمك يابابا طلع الفارس حرامي واسمه نادر و جاي يسرق
مش بيتنا جاي يسرق بيت ابو جميله بس حظه التعس دخل البيت الغلط حتى الحرامية
ماعندهم حظ بهيك بلد
سمير
-
الله اكبر انتي كان عندك حرامي... انا اختي كان عندها حرامي
ليش ماحكيتي من اول
سميرة
-
ليش كنت ناوي تقتله
سمير
-
له طبعا كنت ناوي اتصور معه سلفي وانزلها على الفيس بوك شوفي كم لايك
رح يجيني على الصورة
عمران
-
انا يدخل بيتي حرامي ...اصلا هاظ الشي طبيعي هون في البلد..... انا مش
مندهش ...احنا شو خلى مديونتنا تصل ل 20 مليار غير هالحرامية اللي عايشين بينا
...مااحكالك اسمه اسم ابوه اسم امة عنوانه
سميرة
-
... 20 مليار وثلاجة يابابا ...
بقلك حرامي يعني... جاي يسرق.... مو جاي يجدد جواز سفره عنا... بس
ترك بصمات شفايفو
عمران
-
بصمات شو وين تركهم (وينظر الى وجه ابنته )
سميرة
-
بابا حبيبي شو على ايش بدور بوجهي
عمران
-
على بصمات شفايفه
سميرة
-
بصمات شفايفة على كاسه الشاي
عمران
-
الحمدلله
سمير
-
اي مستحيل حرامي يدخل بيوت الناس ويشرب من كاساتهم اللا ويكون حاط
قفازات على ثمه.... شو هو اهبل للهدرجة هاي..انا حرامي وبعرف قصدي انا دكتور وبعرف
كيف الحرامية بفكرو ...اكيد اكيد .. بتلاقيه املبس شفايفة قلفزات
عمران
-
فهمني اياها هاي ..هاي شفايفي كيف ممكن البسهم قلفزات ...يعني احمار
يحكي وعاقل يسمع ...
سمير
-
الجهل هو اكثر الامراض فتكا بافراد المجتمع المحلي وذلك بسبب عدم
مشاهدتنا لمسلسلات الجرائم على التلفاز..مثل مسلسل سي اي او ...يابا الثلاجة اختفت
...ثلاجتنا الصغيرة ...عاشت يتيمة وماتت يتيمة ...وين الثلاجة ياسميرة
سميرة
-
يامتخلف ..ياغلطة عمره لابوك ...الحرامي اخدها ...
سمير
والله لو اخدك انتي كان
ماازعلت ...بس يوخد الثلاجة ..اللي بنحط فيها الخرفان والدجاج والاكل ..من وين انا
بدي اشرب مية باردة ..انتي بتبردي المية ...انتي بنحط فيكي الاكل اللي بزيد
سميرة
على اساس في عنا اكل نوكله
...حتى يزيد ...
سمير
انتي الك بابين
عمران
-
ولك هي اختك سيارة كوبيه ... اربع ابواب.... ماشالله على هيك خلفة....انا
متاكد انه الحرامي رح يرجع الثلاجة لانه مارح اتجيبله سعر ....وبعدين كل محلات
الخردة مارح يشتروها لاني عرضتها عليهم وماحد قبل يشتريها مني وعارفين انها
للاستاذ عمران....فالثلاجة راجعة باذن الله ...شوفو شو كمان اخذ ...روح ياسطيلة
اتفقد غرفتك ...وانتي كمان روحي اتفقدي غرفتك
سميرة
مافي داعي ..انا اعطيته
لوحة من لوحاتي ..كتذكار
سمير
ياحنونة ...ياام قلب كبير ...اعطيتيه
لوحة يختي ...وليش مااعطيته كمان ..الهيكل العظمي اللي بغرفتي ...وتذكار ..لا
الشغلة بدها قعدة وشيشة وعلبة بيرة ..
عمران
ولد ..اتادب لااكسر
هالعصاية عليك ..اكيد اختك خافت..في هيك موقف لازم يكون الانسان فطين ويعرف يصرف
..شو بدك اختك تتباطح مع الحرامي ..وهي مسكينه قلبها ضعيف ومكسور ...خلص ولا نفس
...تعالو انوقف دقيقة حداد على روح الثلاجة كانت اعز شي على امكو الله يرحمها
...اذا الناقة راحت نبكي على الثلاجة واللوحة .. (يقفو امام صورة امهم ) كيفك ياام
سميرترى الزمن قصير فتحي عين وغمضي عين.... اللا احنا جاين لعندك...
سمير (بصوت خافت)
انا له ...بابا ممكن
عمران
والله اشتقت لاكلاتك.. وضحكاتك
... وحكياتك... اسمعتي على اخر الزمن دخل... عنا حرامي... انا مش عارف شو رح يلاقي
عنا... البيت مسح... وين لما كنتي عايشة كان الخير اكوام اكوام.... اتلاقي عنا نمل
وصراصير....لما رحلتي رحل كل شي معاكي الفرح والسعادة والايام الحلوة كلها هاجرت
كلها ماتت حتى الصراصير والنمل انتحرت واخر صرصور انتحر كان قبل يومين وقف على
الشباك وشلح كل ملابسه ورمى حاله المسكين لانه ...اولادك امخربين بيتي مش ملحق
عليهم... واحد خمس سنين سنه اولى والبنت تعبانه ومريضة وحياتها كلها الوان ولوحات...
كنتي سندي كنتي ظهري كنتي بركتي...وهاي الصورة وانا بعز شبابي حطيتها جنب صورتك لاني كنت دايما
بنظرك شب ...وكنتي اتقولي انا بكبر وانت بتصغر ...واشي طبيعي انك تكبري وانا اصغر
..لاني لما اتجوزتك كنتي عانس بدار ابوكي ماكان حدا قايلك بقديش لكني حبيتك وافنيت
عمرك بحبي الك ...ومتي وارتحتي (طبعا سمير وسميرة حافظين الكلمات عن ظهر قلب ) قريبا رح تتغير اللا اذا انتي خايفة على الاولاد
ومش حابة اتركهم والحقك
سميرة
-
-الله يعطيك طولة العمر يابابااحنا سندك وظهرك معلش يابا اصبر اشوية
انشالله بتتعدل وببيع اللوحات وبعطيك كل المصاري ترجع عفشنا كله وتعالجني بلندن بس
بدها اشوية صبر
عمران
-
انتي العسل بنت النحلة اللي بهدي اعصابي... وبخليني اتحمل كل هالبلاوي
والمصايب (ويدخل غرفته )
سمير
-
يعني انا ابن الدبور لعاد ... انا داخل البس واروح الجامعة اذا
مانجحوني اليوم رح اكسر الجامعة انا خلص بدي اصير دكتور هما المحامية اشطر مني ..
سميرة
-
اسمعنا من هالحكي اكثير عاجبك يعني حالنا هيك هاي ابوك بطل يتحمل الله
يعينه لو جبل كان وقع انا اليوم ماعندي جامعة رح اكمل رسوماتي لاني بحلم اعمل معرض
للفنون اعرض فيه لوحاتي كلها ماظل غير رسمتين وبكمل معرضي
سمير
-
بتسميلي هاي الخرابيش رسومات ....احلام العصافير
سميرة
لما بصير مشهورة وفنانه كبيرة
رح يامسكين تقعد بغرفتك وتشوف كوابيس مارح يطلعلك تحلم احلام العصافير اصلا وليس
عيبا ان تكون كالعصفور تحلم بحبة قمح ولكن العيب ان لاتجعل من حبة القمح خبزا
تاكله الملايين من البشر والاحلام هي المكان الوحيد الذي لايزعجنا فيه الكثير من
الفاشلين امثالك.روح ياطبيب القلب والاذن والحنجرة
سمير
ومع هيك رح اثبتلك اني طبيب انشالله السنه هاي بتشوفي ياتاعة الحرامي
سميرة
الله يعين المريض اللي رح يقع تحت ايدك لانه رح يجيك بجلطة قلبية
ويطلع من عندك بنقاله على المقابر الاهلية
سمير
غيورة والنقاش معك عقيم فقد قال احد حكماء الطب لاتدخل في نقاش مع
احمق فيظن الناس بانك احمق مثله باي باي
(يدخل الى غرفته )
سميرة (تكلم نفسها)
الحرامي معناته اسمه نادر بس ياحرام اكيد اتكسر من هالنطة اللي نطها
من الشباك ياترى مين بكون يلله مش مهم قلبي الظعيف لايتحمل اي صدمات
(يرن جرس الباب )
مين اللي صبح جاي علينا اكيد جميله جاي تعرف الاخبار
تفتح الباب ويدخل شب صغير اسمه مازن ابن الممرضة هيام
مازن (يتاته )
مرررررررحبا مررررررررحبا با با انا مازن ابن الممررررضة ضا ضا هيام
امي بتقلك رررررررررررررح رح تيجي
كمان ساعة
سميرة
اهلين مازن شو اخباررررررررررك رك رك اكويس انت تعال تعال فوت انت ليش مش رايح المدرسة
مازن
مابحب المدرررررسة سة كلهم بضحكوا عليا حكيت لبابا رررررررح رح ضررررب رب
المديررررررررررررر رر ففصلوني
سميرة
ياحبيبي انت قارط السانك ولا شو افتح المغارة اشوف طيب ليش مابتحب المدرسة
مازن
المدررررسين بقولوا عني غبي
مابفهم درررررروسي من يوم مابابا اخذني بطلت افهم اشي من الكتب شغل كل يوم شغل بالمحل ماانا صرررت ميكانيكي
سميرة
اكيد عداك بغباه وراثة هاي
نتيجة طلاق الاباء ضياع الابناء وتشتت اسري اسمع يامازن انت ولد شاطر وعندك راس
كبير ماشالله انت لازم ترجع المدرسة مكانك الصحيح هو المدرسة
مازن
بابا قللي المدررررسة رسة
مابطعمي خبز اكماج بطعمي خبز قمح بس
سميرة
بابا هيك حكالك ليش هو بابا كان فران من قبل ابوك جاهل راسه راس ببور قديم مافي كاز براسه
اسمع كلامي وكلام ماما
مازن
انا زلمة ومابسمع غيررررر كلام بابا
سميرة
ليش هو ابوك زلمة . ابوك لو زلمة ماطلق امك لانها اجمل واحلى ام
بالدنيا وانا بفتخر لانها ممرضتي وبناديها دايما ياماما لانها حنونه زي ماما الله
يرحمها يلله قوم من وجهي وروح اركض ورا
ابوك يعني اللي بمشي مع الغراب شو رح يكون غير غراب زيه يلله افرئنا من هون
مازن
بتطرررررديني رديني انا بوررررريكي ريكي لابوي
(يخرج سمير من
غرفته )
سمير
اهلين مازن كيفك ولا ليش امشحبر هيك
شوف يامازن اذا بتعرف اتقول امر
امير الامراء ان يحفر بئرا في الصحراء ولا اقلك هاي اهون عليك شريف اشترى
شرشف لشريفة اكبر من شرشف شريف بعطيك دينار ار ار ار
سميرة
سمير بلاش تهبيل
مازن
رررروح رروح الجامعة راراراكب برررررررميل
يرن جرس الباب يفتح سمير الباب تدخل هيام الممرضة
هيام
كيفك سمير كيف الجامعة (ترى مازن ) مزونتي انا مش حكيتلك تخبر سميرة
وترجع المحل هلا بجوز ابوك الب الدنيا عليك وبنط زي السعدان من شارع لشارع بدور
عليك يلله ائوم اشلون امورتنا سميرة كيفك اليوم مال وشك هيك تعبان صاير شي معاكي
حبيبتي اليوم رح اغيرلك الدوا واسحب منك عينه دم عشان نعرف قوة الانزيمات عندك
سمير
بدكو شي انا رايح الجامعة سلام مز مز
مز مازن
مازن
هيه انت صاير تتلعثم بالزين انا بالررررررر را
(صوت زهير والد مازن من الخارج يسال سمير)
لو سمحت يااخ بتعرفللي شقة
ابو سمير شفتللي كلب بقرط بالرا دخل العمرة اسمه مازن
صوت سمير
البيت اللي جنبنا
هيام
عجبك ياسيد مازن هاي ابوك قاعد بدور عليك
يعود سمير
اسمعوا انا بقول تتخبوا كلكم لانه في مجموعة زلم بزلمة واحد بيسال عن
بيتنا اكيد هاظه ابوك يامازن وطليقك ياست هيام انا ماشي انتو مابتعرفوني لاني ضحكت
عليه وليته على بيت ابو جميلة سلام
سميرة
لاتخافوا والله اذا حكى شي او لمسك يامازن لمس لخلي الشرطة تشحطة زي
الشبشب بالحارة
يخرج عمران الى الصالون
(عمران بصوت متعب وبجسم منحني الى الامام )
عمران
مافي هدوء بالبيت مابعرف الواحد ينام مرتاح في بيتو شو شو في (يلاحظ وجود
هيام ) عصافير الحب في بيتنا تغرد العتب على النظر ياست هيام نورتي بيتنا المتواضع
ههللت اهلا ووطأءت سهلا انشالله انك مش مذايقة من حد .
سميرة
شو ياشاعر الصحراء والسهول والبراري خف اشوية عن الست هيام
هيام
سكر ياابو سمير والله سكر وعسل
مازن
والله لاقول لابوي انك بتقولي لعمي عمران ابو سميرة تتطلى ودبس وعسل كيفك
جدو عمرررران
عمران
ماشالله عنده حرف الرا طويل مين المسخوط اللي بحكي هاظ
هيام
ابني ياحج ابني مازن
عمران (بعد ان جلس )
حج بعينك وعين ابنك ليش هيك ماسخ حاله وين كاين تلعب ولك على حاويات
الزباله ليش مش بالمدرسة ولك بابا سميرة
خذيه حطيه بالغساله ثمين مع كلنين تنر خليه ينظف
سميرة
المدرسة طردته يابا سامعة ياهيام ابنك كحشته المدرسة
عمران
ليش
هيام
من لما راح مع ابوه علمه الهماله والصياعة قال شو الصنعة اضمن
لمستقبله
عمران
بس فعلا اذا غبي بالمدرسة ببين على الولد من هاظة السؤال انا خبير
اسئلوني انا 30 سنه مدرس يابا يامازن عيسى عليه السلام ابن مريم شو اسم امه
(مازن
ينظر الى الاعلى ويغمض عين ويفتح عين ويدور حول نفسه )
يكمل عمران
انت شو بتساوي بتحظر ارواح قاعد طيب هاظة السؤال صعب عليك انا لو
سالته لابوك مارح يعرفه يابا يامازن روح شوفني بالمطبخ
(يذهب
مازن الى الداخل )
يكمل عمران
لا عليكي العوض وعلى ابو التلف
يرن جرس الباب
سميرة
الله يستر
(تفتح الباب فتدخل جميله الغير جميله بقناع الكوسا المضروبة مع البصل
على خلاط اسمنتي وتمشي بمشيتها العسكرية ومن خلفها زهير )
جميله (بصوتها الاجش وكانها ضبعة بلعت ضبع )
مين قال للبرميل المليان اللي جاي وراي انه بيتنا بيت ابوسمير (وبيدها ليفة حمام ومنشفة
على كتفها )
عمران
بسم الله الرحمن الرحيم شو جاب العفاريت عنا ياهلا بجميله (يقترب منها
) بقديش كيلو الكوسا طنجرة محاشي املزقة بوجهك
يعود مازن
مازن
مش موجود انت بالمطبخ عمي ابو سمير
زهير
ولك انا مش حكيتلك ماتترك المحل ياابن الكلب اتفضل هاي المحل انسرق كل
المفكات والجك وعلب الزيت انسرقت بعدين وين كاين اقطعك اكلك بسناني انتف ريشك ولك ماظل اقشاط
ولا ربيش اللا قطعته عليك
مازن
انا مابحسش لو اتظل تضررررر
سميرة
عيب بطلع الريحة علينا شو هالحكي
مازن
ررب 100 سنه اه انا امبولد
عمران
ولك خزيتني بين الميكانيكية وبين الزباين الكل صار يسالني ويقلي وين
نتافة الجاج اللي عندك وبعدين شو كاين تعمل بالمطبخ و مين اللي مش موجود بالمطبخ
عمران (لزهير)
انا انا مش موجود بالمطبخ كنا بنمتحن ذكاء مازن طلع مازن بلا عقل عشان
نعرف ليش المدرسة بتقول عنه غبي ومابيفهم
زهير
مستحيل ابني يكون غبي ومابيفهم يابا شوف اذا مالقيت عمك ابو سمير بالمطبخ ممكن
اتلاقيه بالحمام روح شوفه يابا رح اثبتلك ياختيار انه ابني ذكي بس بخاف
عمران
لا مهو باين من ابوه يعني انا هلا بالحمام قاعد ههههه شغل لمبة الحمام
حبيبي شغلها شو هالراس اتقول راس تيس
هيام
بس خلص شو هاظة جننتو الولد شوف اتطلع عليه كيف عملها تحتيه من الخوف
هيك اللي بدو يربي اولاد الحق مو عليك الحق عليا انا اللي اعطيت ابني لواحد همجي
زيك مابعرف كيف يربي ابنه حتى المدرسة حرمته منها
عمران
صدقني لو قادر اقوم واجرية بتحملني لكان كسرت هاي العصاية عليك صحيح
حقها دينار ونص لكن مافيش زيها بالسوق اخسارة فيك خليك للعصر عنا ابني سمير بس يجي
المغرب رح يكسر اعظامك
جميله
الحق مو على ابوه لانه الاب جنى والام بنى الام هي اللي بتربي وبقول
المثل اذا مات ابوك على المراتب بحطوك واذا ماتت امك على المزابل برموك
سميرة
جميله عيرينا اسكوتك وخليك بجمالك الباهر هاي الامثال كلها تخابيص
نسوان امخرفنه هاي ماما ماتت بالعكس عايشين احلا عيشة مع بابا وانت يازهير صلح
حالك وربي ابنك اكويس
عمران
جميله خذي النسانيس هاي معاكي بيتي مش حديقة حيوانات
زهير (لجميله )
فرسة اصيله لاتردي على هالختيار المخرفن هاظ انت كلامك صح
عمران
رهانك خسران راهن على عنزة احسنلك يلله افرقنا خد ابنك المراجيح
الملاهي خده دكتور عالج النطق عنده وبطريقك مر على موسرجي يحطله جلده للحنفية اللي
بتسيل ودير بالك عليه ربيه اكويس رجعه المدرسة هلا انت ابوه وامه وسته وسبعه اللي
بدو يطلق بنات الناس بدو يتحمل خراميش البساس
زهير
ماحد يدخل بتربيتي لابني انا بعرف كيف اربيه هالكلب
خديجة
ايوة ربيه خليه يطلع زلمة مش مرق هيك زي امه طول انهارها املزقة عند
سميرة المرا حبيبتي مش بجمالها المرا بكسمها وخاصة اتكون زي كسمي شو رايك ابو سمير
بكسمي مابجنن
عمران
بجنن بس بدو كوي
هيام
طقي وموتي سميرة زي بنتي بعدين ليش غيرانه انتي وماكلك الدود يامدودة
سميرة
هيك ولا بلاش جر مش سحب وخبط
مش ضرب وربط مش عبط .بغله بدور على امها
زهير (لجميله )
بدون مواخذة ممكن اتوصليني الباب
(لمازن) امشي ولك
جميله
شو شايفني خدامة عند اللي خلفك خذ ابنك وانقلع من وجهي بسيطة ياهيام
لاشوف انا ولا انتي اذا ماخليت بابا يطردك من البيت مابكون اسمي جميله
(يخرج
زهير وابنه من شقة عمران )
هيام
جميله انتي ليش بتعامليني هيك انا شو اعملتلك
خديجة
تبلي........ بتبلا عليكي ...مش كل واحد حر بحاله ....مش بلد
ديموقراطية ....قاعدين بحظنا وبنتفوا
لحيتنا
عمران
بس ياخديجة البنت مش عامله اشي معك اتركيها بحالها وبعدين اللي بزعل
ممرضة بنتي بقطع خبره انا عارف يابنتي كيف
اتجوزتي واحد جاهل زي هيك وانتي عنوان للرقة والجمال
هيام
نصيب عمو
عمران
عمه الدببه انشالله
جميله (تضحك)
عمران
تضحكي بدون اسنان
سميرة
بابا
عمران
بو يبوك
هيام
شو مالك
عمران
مالت عليك حيطة
جميله
خلص عمرانو
عمران
تخلص روحك
سميرة
شو بابا طقم اسنانك لزقو بلسانك تعالي ست هيام انفوت جوا عشان تكشفي
عليا وفي قصة حاب احكيلك اياها (وتدخلان الى القسم )
جميله (تسترق السمع )
الرادار عندي مشوش مش سامعة اشي طيب اخريتني بعرف كل اشي .(تقترب من
عمران) يعني مش كان اتجوزتني من عشر سنين لما ماتت ام سمير مش كان هسه امخلفين
جميل وجنبية وجرة وجرابة .
عمران
اخ ياجميله انا بعد ماماتت المرحومة حلفت مااتجوز بعدها لايمكن تيجي
مرا زيها وانا بعد الستين يارب يعين وانت ياجميله بدك واحد بعمرك او اصغر منك
وياسان من الحياه مستغني عن روحه عنده عمى
الوان حتى اذا اصبح فيكي الصبح وشاف هالجمال الباهر هاظة ماينشل او ينجلط او ينجن
جميله
وهيام يعني احلا مني ولا اجمل مني ولا اغنى مني بكرا بس يموت ابو
جميله كل الرزقة بتصير اللي (تركع عند قدميه ) اتجوزني فقيرة يغنيك الله قرب ابوي
يودع
عمران
اتركي البنطلون لايسحل
جميله
خليه يسحل بشتريلك غيره اتجوزني واستر عليا وعلى البنطلون الساحل يسحل
عندي ولا يسحل عند وحدة ثانية
عمران (يزكرها بالعصا )
يسحل مخك من عيونك قومي انقلعي على داركو وبس اشوفو لابوكي
جميله (تصرخ وتركض بهبل وتدور حول نفسها وعمران يركض ورائها ظنا منه
بان شيئا هاجمها دبور نحلة ويضربها بعصاته عدة مرات )
ابوي ابوي ياعمران ابوي ضاع شبابه
انا تركته بالحمام من ساعتين ومشغل الميه السخنه عليه عشان يتحمم وانسيته
بالحمام عم يوكل رمان
عمران
قلتله طعميني خبى الرمان وقام من الحمام
جميله
انسلق زي البطاطا ياريته قام الحقني ياابو سمير
عمران
روحي انتي قدامي بسرعة انا جاي بعد اسبوع الطف يارب بعبادك
(تخرج سميره وهي تمسك كيس كلوكوز
موصول بايدها وهيام خلفها )
سميرة
بابا انت بخير ماصارلك شي مال صوت جميله طالع
عمران
لاتخافوا مافي شي جميله نسيت
ابوها بالحمام بتعلم السباحة على ظهره شو هاظة اللي معلقيته برقبتك
هيام
كلوكوز ياعمي
عمران
والله فكرتك يابا صوبة بواري تعالوا ساعدوني انروح نطمن على ابو جميله
صديقي ربيع اكيد هلا صار خريف مع المية السخنه سامعين صوت جميله بتصيح اكيد لقت
ابوها مسلوق نص سلقة (ويخرج الجميع من المسرح )
تغلق
الستارة على المشهد الاول
المشهد الثاني
صالون بيت جميله
عزاء ابو جميله الذي مات غرقا بالبانيو .وبوسط الصالون دائرتين من
الكراسي دائرة كراسي للرجال عمران وزهير وسمير والشب نادر الحرامي الملفوف بشاش
على راسه وعلى رجله وعلى يده والشيخ بهلول ... ودائرة كراسي للنساء جميله وسميرة وهيام
وامراءتين من العمارة
الشيخ بهلول
(يقراء ايه الكرسي والكل في صمت شديد )
صدق الله العظيم ...انا لله وانا اليه راجعون ..ان الموت حق علينا
لامفر منه ..والموت واحد وتعددت الاسباب ...وابارك لك ياست جميلة وابشرك بان اباكي
شهيد ...فمن مات غريقا او حريقا فقد مات شهيدا..وهذه الدنيا دنيا ابتلاء
عمران
لافضه فوكه ياشيخ ...دنيا لا راحة فيها ..نحن فيها مسافرون ..فعمل
لدنياك كانك تعيش امدا واعمل لاخرتك كانك تموت غدا ..وابو جميلة ..كان رجل صالح
سمير
صالح للشرب
عمران
محسن للناس
سمير
محسن سرحان
عمران
بس ياسعدان ...
جميله
مات ابوي... راح... وتركني وحدانية...كان وجهه قاطع العرسان من البلد
.. صفيت لحالي..بالطابور ..والطابور طويل.. طويل مافي ونيس يونس عليا وحدتي... ويشاركني الاموال...الفلوس
...سامعين ..ياعميان ..فلوس ..مصاري ..ورثة كبيرة ...بس شو نفع الفلوس ...ومافي
ولا قطروز يقطرزني
عمران
.خلص ياجميلة ممنوع الدعايات ...في العزا....خليها بعد الفاصل ..وفهمنا
انه معك مصاري ...ياماخذ القرد على ماله بروح المال وبظل القرد على حاله
جميله
طيعا... ماانت مش ماكل همي ولا هم جمالي..اللي ايده بالنار مش مثل
اللي ايده بالشحبار مثلي
عمران
الله يرحمه اخذ الشر معاه وراح الفاتحة على روح صديقي المرحوم ربيع
ابو جميله(الكل يرفع يديه لقراءة الفاتحة )
المراءة 1
خلص ياحبيبتي العياط مش كويس عشان البيبي اللي ببطنك
جميله
مين الهبلة اللي حكت انا اتجوزت اصلا لحتى يكون عندي بيبي...انت بدك
اتلبسيني تهمة ... هاي صحة.. جاج... لحمة... سمك
المراءة 2
والله فكرنا يختي انك متجوزة طيب معلش معلش انشالله يبعثلك ابن الحلال
جميله
مش مهم ابن حلال ابن حرام انا
قابله بس اتجوز
الشيخ بهلول
هذا كاس على كل الناس وهذه الدنيا نحن فيها مسافرين والله والله انه
كان رجل عطوف حنون كريم
عمران
اه كريم نيفيا
الشيخ بهلول
كان لايترك صلاه او فرض كان سباق للخير
عمران
ايو والله ياشيخ ...كان يحب سباق الخيل
الشيخ بهلول
سباق للخير ياسيد عمران ...هو المرحوم كان له اولاد
سمير
وهل المرحوم بعد ان يصبح مرحوما يستطيع ان ينجب اولاد ياشيخ ...
الشيخ بهلول
من هذا الغلام ...الغبي.. ابن من انت ياولد
سمير .
ابن خديجة ...
عمران
ياشيخ بهلول ...الدكتور سمير ابني البكر
زهير
ياست جميله... وين دفنتو الوالد
جميله
بالمزرعة
زهير (يكلم نفسه )
ايوة ...والله رح تحلو معك يازهير انتي وقعت
عليا من السما ....بس اكيد هالسي 30... رح تفعسني... مش مهم...المهم الفلوس والمزرعة...(تنقطع حبل افكاره بسؤال من عمران لجميله )
عمران
اي مزرعة ياجميله... كلهم شجرتين صارو... مزرعة ..
جميلة
كل مزرعة بتبلش بشجرة ....واحنا حريين انقول عنها مزرعة او بيارة
..وانت مالك .
عمران (بعصاته )
انت مين سمحلك تتكلم.. افتح ايدك
سمير
يابا احنا مش بصف مدرسة هاظة عزاء مش حصة نشاط
عمران
اسكت ماتحكي بدون اذن ومين هاظة الشبشب .. اللي متلفلف بشرايط.. انت
ابن مين ياابني
نادر
عمي انا مش من الحارة... انا من حارة ثانية... بس من واجبي اعزي
الجماعة
سمير
شو مالك هيك كانك ماكل كتله
نادر
حادث دراجة
سميرة
ياجماعة انا شام ريحة حرامي بينا
جميله
اكيد حرامي قلوب ….حرامي…. فلوسي
سميرة
اقعدي بس انا بمزح (تكلم هيام وتشير على نادر)
هيام (بصوت خافت )
لا لا مش معقول هاظة امبين عليه ازعر شوفي كيف امطبش وملفلف بالشاش
نادر(ينكمش على الكرسي )
انا اسمحولي انشالله خاتمة الاحزان
سميرة
من الشباك ولا من الباب
عمران
اقعد انت بتفكر حالك وين بداركو مافي احترام للمدرسين مافي احترام
للميت اللي مات
نادر
امرك عمي ولا تزعل
زهير (لمازن )
انت يااهبل ياابن الاهبل قوم صب قهوى للزباين واعطي خالتك كاسة ميه
اتبل ريقها
بهلول
هههههه الله يجازي بلايشك ياابو سمير صاحب نكته من ايام التدريس
عمران
شيخ بهلول احكيلهم اكم فلكة مديتك على اللوح لحتى صرت تعرف كان
واخواتها
مازن (يناول كاسه ماء لجميله )
اتفضلي خالتي اشرررربي ميه
جميله
ومين الحمار اللي قلك اني عطشانه
مازن
ابوي بعدين خالتو مدررررررررس الدين قال انه رجل دخل
الجنه لانه شررررررب كلب
جمبله (تقوم وتعض مازن من ايده)(يبكي مازن مش شدة الالم )
شرب كلب ياابن ؟؟؟؟؟؟؟؟؟ ومراءه
دخلت النار لانها منعت هر مثلك يطلع برا الدار
هيام
ول الله عليك وجعتي الولد هلا بدو
21 ابرة ضد داء الكلب
نادر
ياجماعة ممكن اسال سؤال
عمران
ارفع اصبعك اول
نادر
رفعته
عمران
اتفضل
نادر
هو الميت كيف مات يعني حادث ولا غرق ولا موته عادية
عمران
له موته اتوماتيك
جميله
لقيته طايش ونافش زي خبز السمون على وجه المية بالبانيو يخويه كان زي الهمزة على حرف الالف خفيف لطيف ضعيف مات
اصغير بالعمر ماكمل التسعين سنه
عمران
يلله كلها موته ياستي
جميله
اه ياملعون ابو ستك وجدك وكل اهلك ياقصير النظر
سمير
روح احسنلك بلاش اتكمل عليك هاي خديجة بتلعب كمال اجسام بتوكل بقرة
لحالها وبتحلي بسبع صدور كنافة افه من الاخر
نادر
معقول
سميرة (تقترب من نادر)
ممكن يااخ كلمة ع انفراد
سمير
يابا بنتك فاعت وصاعت بالعزا بتقول للشب ممكن كلمة على انفراد
عمران (يضربه بالعصا)
يعني شوفيها زميلها زميلها بالمدرسة بلعب معها
سمير
اي مدرسة واي زميلها احنا بعزا يابا
عمران
طيب روح معها راقبها من بعيد لو حكت معه اكثر من كلمة جيبها من شعرها
ماشي خليك حمش هيبة
سمير
حمش كيف يابا
زهير
حمش يعني انفخ صدرك لقدام وارفع راسك وسكر حواجبك وزم شفايفك وخلي
بكسك ببيت النار جاهز
سميرة (لنادر)
انت حرامي امبارح صح
نادر
اي حرامي انت بدك تتبليني
سمير
اسمع انا لا رح ابلك ولا انشفك.. انت نادر وهاي الضربات.. من نطتك من
الشباك.. شوف هاي الشباك امعلم على شوزك
نادر (ينظر الى شوزه )
انا اصلا لما نطيت ماكنت لابس هاظة الشوز
سميره
اهلا ابو نطة
نادر (يتلعثم بالكلام )
استري عليا... الله يستر عليكي.. والله اخوكي وابوكي.. بقطعوني اكثر
ماانا مقطع
عمران
شو اخبار تحضير الارواح معك ياشيخ بهلول.. لقد سمعت بان احضار ارواح
الميتتين قد فرضت الدوله رسوم ضريبيه عليه فهل هذا صحيح ياشيخ بهلول
الشيخ بهلول
الله حي الله كبير الله حي الله كبير والله ياسيد عمران ماشالله الناس
بعمر وانت بعمرين هههههه ان تحضير الارواح عملية ليست بالبسيطة والسهله كما يظنها
عامة البشر فهي بالحقيقة صعبة تحتاج ليشخ متمكن مثلي وبنفس الوقت تحتاج لمصاريف
كثيرة الجلسات والبخور والروح تحتاج لوسيلة نقل حتى تصل وانت خير العارفين البنزين
اسعاره ولعت تذاكر الطائرات ولعت الحكومة ولعت كل شي ولع وانا ولعت وتركت هذه
المهنه من زمان.
(نادر وسميرة مندمجان بالحديث معا بزاوية المسرح ويضحكان )
سمير
ابوسمير انت قاعد بتسال عن الارواح وبنتك قربت اتروح منك شوف اطلع
عليهم هاي مش كلمه هاي ندوة صارت واذا تركتهم هيك كمان 5 د ممكن اتشوف حفيدك حمودة
بلعب بالعزا
عمران (يقوم عن كرسيه )
اكمل يابهلول كلامك سوف ارجع(يضرب بعصاه راس جميله ) يعني احسن ماانتو
قاعدات بس بتعيطو قومو العبوا طاق طاق طاقية
(ياتي من خلف ابنته )
جميله
اخ راسي فعلا فكرة جيدة يلله قومو نلعب خلص العزا
نادر(يغمض عينيه ويمد يده ليمسك يد سميرة فيمسك يد عمران وتهرب سميرة
عند النساء )
انا من لما شفتك وانا معجب فيكي من اول كاسة شاي بداركو حطيت شفايفي
عليها وانا بفكر ليش مش حاطين سكر بالشاي بصراحة
انا مابهمني مرضك لاني رح اكون انا الدوا لقلبك (مستغربا ) والله اتقول
ايديكي ايدين زلمة (يفتح عيونه واذا عمران امامه مباشرة )
عمران
هههه لا يانادر بابا يشوفنا بعدين وينقلب العزا على راسك
نادر
عمي ابو سمير
عمران
له عمتك ام سميرة ياسافل ياواطي تغر بابنتي امام عيون الحاضرين ا اعرب
عيون الحاضرين ولا ساعرب ام امك هاه هل ستعرب ام تقفز من الشباك
نادر(بخوف )
ممكن اعرب قفز نادر من الشباك (ويقفز نادر من الشباك )
عمران
ياسلام قفزة جميله الولد هاظ لاعب شمبانز هي شمبانز ولا جمباز
نادر(بعد القفز )
قفز مفعول نادر اسم مكسور بالكسرة من حرف جر باي باخ
هيام (لسميرة )
شو صار شو في ليش بتعيطي
سميرة
بابا اطع انتيمي انا ماصدقت والاقي واحد يفهني
هيام
بلاش عياط حبي مو محرزة قدام الناس وبعدين قلبك مابتحمل اعياط شو في
هاي النسوان بلشوا يتوشوشو علينا خلص بعدين ليش رد نط من الشباك يعني مافي باب
امليح اللي ماشافته جميله كانت عملت اصة عليها
سميرة
نط من الشباك على اغنية لارميلك حالي من الشباك
هيام
لا اكيد ابوكي خيره بين الموت وبين القفز من الشباكي
جميله (تلف حول كراسي النساء)
طاق طاق طاقية رن رن ياجرس حول واركب
الشيخ بهلول
بس… انها والله لعبه من لعب اليهود…
لعن الله من لعبها… وعرف معناها … ماهذا والله بعزاء انه
والله بهزاء… ابوكي
مازال مبلول في قبره… وانتي تلعبي طاق طاق طاقية ….
جميله
طيب ممكن ياشيخ نلعب بيت بيوت
مازن
انا بحب العب بيت ابيوت يلله نلعب بيت ابيوت
جميله
انت العب مع ابوك ياحبيبي بيت بيوت… او احكيلك العب معه لعبة
تيس اتيوس حمير اتيوس يلله انت وياها قاعدات خلص ماظل عزا مات الزلمة وانتهينا كل
وحدة على بيتها
سميرة
شو ياجميله بتكحشينا
جميله
انت ياممصوعة الرقبة …بفرجيكي…
بس لحتى اقنع ابوكي يجوزني… عارفة مرة الاب شو بتعمل بولاد جوزها…
وانتي ياسهتانه ياممرضة… ما ترجعي لجوزك وتربي ابنك… اخينا بدو يلعب معي بيت ابيوت ماظلش يقلي غير
تعالي نلعب عريس وعروس… ماشالله ابنك عنده نظر بعرف وين اماكن
الجمال.. احسن من كثير ناس امطنشين
عمران (لزهير)
ليش حضرتك بتطلع عليا انا امطبش… مش امطنش…
ياست جميله احنا بنظل اهلك وعيلتك… يعني انا بعتبرك زي جدتهم
لاولادي صدقيني زي جدتهم واكبر… واذا بتحتاجي لاي اشي حتى لو بنص الليل…
لاتستحي دقي على الجيران اللي جنبك وبشرفي لو بدقي عليا لاكسر هالعصاية على اجنابك…
احنا زي اهلك …وانا مش زي ابوكي بصراحة…. لانك كبيرة عليا كثير…
يلله ياشباب خلي جميله ترتاح يلله شيخ بهلول
بهلول) لجميلة )
ايدك ...على اجرة ..الحمام ...والكفن ...والبخور ..والعطور...وزغبة
الميت..فقط 50 دينار ...شقفة وحدة
عمران
اكثير ياشيخ ...والله لو محمم عريس ...ماطلع 50 دينار ...بعدين يااخي
ابو جميله متحمم جاهز ...مات غرقان ...وصدقني لو بعده عايش ..وطلبت منه خمسين
دينار ...ليصيبه جلطة .. وهو عايش ماكان يتحمم ...الا من السنه لسنه ..
بهلول
المعنى ...
جميلة
خمس دنانير مافي غيرهم
سميرة
حرام عليك ...ابوكي مات وترك على قلبك ..كوم مصاري ..اعطي الزلمة
حقه....بلاش يطلع عليك كل عفاريت الارض ...
هيام
واذا دعا عليكي دعوة ...عمرك مابتجوزي ...ولا بتشمي ريحة الزواج ...رح
اتظلك عانس طول عمرك ..
بهلول
خمس دنانير ...هو انا امغسل سيارة ...ولا ميت ...انا بلشت ...اعصب
...وانرفز ...واستشيط غضبا ...
جميله
اهدى ياشيخ بهلول ...روق ياحياتي ..انا رح اعطيك ..الخمسين دينار
...بس ممكن ...اتشوف بختي ...اللي مش راضي ..يلاقيني حتى ولو صدفة ...ياربي
....خلقت هذا الجمال وقلتو اتقو فكيف نرى هذا الجمال ولا نتقي
عمران
كيف نرى هذا الجمال ولا نتفوا .....الا ليت الشباب يعود
يوما ..فاخبره بما فعل المشيب
سمير
المشيبو ..والشنبو ..والسيف ..والسكين ..والقرطاس يعرفني
الشيخ بهلول
البخت حرام ...ولكن ركوب اليخت حلال
زهير (يكلم الشيخ بهلول )
اسمحلي ياشيخ بكلمة
الشيخ بهلول
تفضل ..تكلم ...مع اني مش هاظمك من اول القعدة ..بس مش مهم اجري على
الله
زهير
ممكن تتوسطلي عند الست الجميلة ...
الشيخ بهلول
انت ليش امقدم على وظيفة عندها ..
زهير
وظيفة .(.يفكر)..اه وظيفة ..بس وظيفة ابدية ..حاب احط زيتاتي على
طحيناتها واتجوزها ..
الشيخ بهلول
واكم كيلو زيت عندك ..قصدي انت جاد في الزواج من جميلة ولا طمعان
بفلوسها
زهير
ولو اني مش فاهم عليك ..بس الطمع ظر وما نفع ..وماطار طير وارتفع
...وخبي قرشك الابيض ليومك الاسود
الشيخ بهلول
فعلا الطيور على اشكالها تقع ..انشالله سافاتحها بالموضوع ..امهلني
بعض الوقت يابني
زهير
وحسابك ..عندي ..ياست جميلة احساب الشيخ عندي ..والله ماحدا بدفع
هيام
ابو كرم ماشالله طليقي ..اكرم على ابنك ..على طليقتك ..اعطيني النفقة
اول اشي ..
زهير (لابنه )
يلله يابا ...عنا شغل ..البقية بحياتك ياانسة جميلة
جميلة
اي بقية بحياتي ..هو ظل اشي ..
(يخرج زهير وابنه وامراتين والشيخ بهلول )
سمير ( لخديجة )
تعالي نتمشى على الكورنيش ...هو مش كورنيش ...الفسحة اللي بين الكراسي
..اتخيليها كورنيش ..شو رايك ..بريحة البحر ..
خديجة
هي ريحة البحر ..ولا ريحة مجاري
سمير
انتي مشكلتك ..انك مش رومانسية ..ولهيك العرسان ...مابعرفوا عنوانك
..طبعا انتي عارفة اني انا دكتور ..طبيب ..وبحاجة
خديجة
مصاري ..
سمير
مصاري شو ..انتي مابتفكري غير بالمصاري ..فكري لابعد من هيك
جميلة
يعني لازم اروح لبعيد وافكر ...ماافكر من هون ..خلصني شو بدك
عمران
ماشالله عصافير بتمشوا ..امفكرين حالهم ...على شط النيل ..
سمير
عندي عريس ...
جميلة
ابوس ايدك ..وينو ..(تفتش بجيوبه )...ولك طلعوا ..فتحت منافسي ..
سميرة
انتي بتفتشي بجيوبة على شو ...(لسمير ) انت سرقت اشي منها ...
سمير
انتي خليكي بحالك ...في موضوع عائلي بيني وبين خديجة ...بلاش حد يدخل
..)لخديجة )..بلاش يعني كل مانحكي كلمة
..بتتطلعي عليهم ..
خديجة (لسميرة )
بلهفة ..اخوكي لقالي عريس ..
عمران
على اخر الزمن ...شغال خاطبة
سميرة
ومين ..هاظة اللي مستغني عن روحه ..وامه داعية عليه في ليلة القدر
..شو ياسمير ناوي تبلي مين بخالتك خديجة
خديجة
خل.. يخلل اعظامك ..شو هالجيل البقح والوقح هاظة ..ماعندك موتيكيت
..يلله يلله خذي ابوكي الهكه وممرضتك العكه ..خلينا انا وسمير ..نحكي بالمفيد
..مطلقة(تشير لهيام ) وعانس(لسميرة)
سميرة (تحظن عمران وتبكي )
سامع ياهكة قصدي يابابا ..
عمران
لا مش سامع ..يابطة ..انا حتى مش شايف اللي كانت تحكي ..انا كنت سامع
طزيز ..هسيس ..هي ذبانه مرت ..جنب اذني ..اسمعي من الهبلة ..وطنشي الحولة
جميلة
هبلة وحولة ...ياحلاوتك ياعمران ...احكي عن مسجاتك وعن واتساباتك ..كل
ليلة
هيام
الله يسمعنا الاخبار الكويسة ..
سمير
مراهق ...
عمران
انا مراهق ..يامنافق ..اسمعوا ياجماعة ..جميلة كانت فاهمة غلط
..المسجات والواتسبات كانت لابو جميلة الله يرحمه
جميلة
خش بعبي خش ..يازلمة ..على كل حال .انا كنت مطنشة ...مكنتش ببالي ولا
امعبي عيني ...بس هلا انت في بالي
سمير
يابا ..انا بقول تجوزها وتكسب اجر فيها
عمران
مابدي لا اجر ولا ايد ...
هيام
(تقترب من عمران ) ..احم احم
عمران
ممكن تكسبي ..فيا اجر
هيام
عندي ثنتين ....يلله سميرة صار موعد الدوا ..
عمران
ودواية مين رح يعطيني اياه ..
جميلة
دواك عندي ..
عمران
انا بفضل سم الفيران ...استني يابا ياسميرة ..خذيني معاكي
جميلة
عليا الطلاق ..منت طالع من بيتي ...حتى تتغدا معي انت وسمير
سمير
موافقين ...قول موافق يابا ..كله غدا يفوت ولا حد يموت ..
عمران
ياجميلة ..هاظة وجبنا احنا ..روح يابا جيبلك منسفين ..من المطعم
...وحط على كل منسف نص كيلو لحمة ناعمة ..وقله يكثر الرز
سمير
طيب اقعد ..وريح حالك ..ياست جميلة ..احنا ماكملنا موضوعنا
جميلة
صح ..نرجع لموضوعنا ..وين العريس ومين هو
سمير
لاتستعجلي على رزقك ..هو جاي جاي ..حتى لو جبناه ..جر ..بس اللي طلب
عندك..
جميلة
طلباتك اوامر ..(لعمران)..نظف نظف ..اذانيك ..عشان تسمع شو بنحكي
..اتقول رادار ..غواصة امركب ..
عمران
انا رادار غواصة ..ياجعمكة ..
جميلة
شو يعني جعمكة ..
سمير
جمع مكة ..
جميلة
انا جمع مكة
عمران
له طبعا ..انت مجمع ..باصات اربد عمان ...انا رايح البيت ياسمير وشوف
طلبات خالتك الحجة
جميلة
خالته الحجة ياعديم النظر ...هزيت اسريرك ..يااوغيه ...40 سنه عمري
وبقول عني حجة ..هاظة كيف لو عمري 50 شو كان قلت
عمران وهو يغادر
...كان قلت عنك حجة الوداع ..
سمير
سيبك من ابوي ..ابوي بعد ماماتت امي بطل يفرق بين البطيخ والجعابير
...(يبدو على مجهها الغضب ) ...فيستدرك غضبها ويقول ..
...والخوخ الشامي
(جميلة بدلع بنت العشرين)
..سمسم ..خجلتي
سمير (بمتعاض )
خنجر ...معكوف ..اسمعي خلينا بالمهم ..كم بدك.. وتبعيني جثة الوالد
...
جميلة (تنظف اذنيها علامة على عدم السمع وباستغراب )
..شو ..عيد كمان مرة شو حكيت ..انت انجنيت ....ابيع ابوي الميت ...هما
الميتين في اللهم سعر ...هما بنباعه
سمير
الميتيين بالنسبة اللي كدكتور ..اهم من الطيبين ..ياجميلة ..الحياة
...غامضة ..وكلها اسرار ..بعض الاحيان في ناس ملهمش اي اهمية وهما عايشين
...واهميتهم بتبلش من لما بموتو ...وابوكي كان وهو قلته واحد كان عايش ومش عايش
...كان حي بس كان ميت ..كان بوكل بس كان جوعان ..وهلا حددي السعر ..
جميلة
سعري ...
سمير
مش سعرك انتي ..انتي اصلا ملكيش سعر لا انتي وطيبة ولا انتي وميته
..انتي مجرد عينه ..زي عينه البول ..زي عينه الدم ..
جميلة
الله يسامحك ياسمير ...انا مارح ارد عليك ...بس انا بقول اذا بدك جثة
ابوي مشان تعمل عليها تجارب وبدون فلوس ...انا موافقة بس بشرط
سمير
شرط ...ملط ..شطة ...مش مشكلة اشرطي زي مابدك
جميلة
تجوزني ..
سمير
ياستي هاظة ...هاظة ...قلبي...بطني ..جلطتي ..مخدتي ..اتجوزكي
..يخربيتكي..انا الحق ابوكي احسن ...اموت موته طبيعية ولا اتجوزك واروح اعدام
جميلة
او تقنع ابوك يجوزني ...
سمير
بتعرفي احسن شي ادورلي على كلب فاطس ...اعمل عليه تجاربي احسن
...(ويخرج من البيت )
جميلة
استنى ...ولا احكيلك تستناش ..(وتغني ). نسيت النوم واحلامه ...نسيت
لياليه وايامه .بعيد عنك.. حياتي عذاب ..مابعدنيش
بعيد عنك ..
اخ عليكي ياام كلثوم ..صحيح الهوى براد ...(يقرع جرس البيت ).. مين
الزنخ ابن الزنخ اللي جاي في هالوقت...الرماني ونسي هاظه ..شو هاظة ..الله يرحمك
يابا ..كان لما بدو يفطر يقلي يابا ياخديجة ..هاتي من هاظة وهظاك ..يعني الزيتون
والجبنه اما لما يقلي هاتي من هذيك يعني البيض المقلي ..يلله جاي حرقت الجرس الله
يحرق اعضامه ابوك ..( تفتح الباب فيدخل الشيخ بهلول وزهير بافرهول الشغل ثم تغلق
الباب ).
الشيخ بهلول .
-
السلام عليكم (تمد خديجة يدها
لتسلم )...يكمل
-
على وضو... ابسلمش على النسوان (لزهير )..انت متوضي
زهير .
-
لا ياشيخ بعدني
الشيخ بهلول .
-
معناته سلم انت عليها وبعدين سلم عليا
جميله .
-
شو هالفصاحة هاي ياشيخ بهلول ...ياسيدي الله جعلك لا تسلم ولا تسلم لا
انت ولا هو ...قال ايش مابسلم على النسوان ...اما البصبصة على النسوان عادي
الشيخ بهلول .
-
يابنتي خللي لسانك..جميل بكلام جميل ..فاللسان صوت العقل والقلب فان
حسن كلامك حسن عقلك وقلبك ..بعدين انا قد ابوكي عيب تحكيلي هيك ...استغفر الله
العظيم
جميله .
-
هسه من الاخر ..انتو شو بدكو ..ومالو الكتكوت اللي معك فارق بالنص
..وبدل الجل حاط شحمة سيارات ..وافيه شو هالريحة هاي ..انتو محممين واحد ميت من
سنتين ..
زهير .
-
كلونيا ..كلونيا
جميله .
-
كلونيا مين ...كلونيا كلابي ...وشو هاظ الافرهول المزيت ...اتقول جمل
عالكه ..نعم شو المطلوب ..الزلمة ومات ودفنتوه ...واجار الغسيل والحمام اخذتوه
وقهوة سادة اشربتوه ...شو ظل... حكولكو
بوزع ملبس...وكنافه عن روحه ..
الشيخ بهلول .
-
الله اكبر عليكي ياجميله ...ابلعي السانك
اشوية ..اعطينا فرصة ..نحكي يابنت الحلال ..خلينا على الاقل انفوت جوا نقعد ونحكي
على رواقة ...
جميله .
-
انا وحدانية ياحبيبي ..وبنت زي الورد الجوري
..ادخل زلم على بيتي ...ابوي الله يرحمه لما كان يجيه اضيوف ...يوخذهم عند جارنا
ابو سمير ...يستقبلهم ...يجي على اخر الزمن ولما ابوي يموت ...ادخل عليا زلم
..وانا انسه كلي انوثه وسكس لوكس ...دوف ...نيفيا ...انا بخاف ...التحرش والاغتصاب
..صاير موضة بالبلد ...
الشيخ بهلول .
-
(لزهير بصوت خافت ) ...بصراحة ..مش هي اللي لازم اتخاف من الاغتصاب ...لانه اللي مثلها
ياابني ممكن تغتصب عشرة مع بعض ...الله يعينك ..ونصيحتي الك ..مابدك .. هالجوازة
زهير .
-
ياعمي ..سايرها خلي هالموضوع يمر على خير ..والك احلا حلوان ..
الشيخ بهلول.
-
ماشي ..بس لاتلومني انا
نصحتك ...طيب ياست جميله ...بلاش ندخل جوا
...هاتي كرسين نقعد هون عند الباب ..
جميلة .
-
اذا هيك ماشي ...وهاي كرسي واحد ..انت يامزيت خليك واقف ...(تضع الكرسي خلف باب البيت )
زهير
-
على مهلك ياشيخ لاتقعد ..(فتمدد تحت الكرسي
)..
الشيخ بهلول
-
شو بتعمل ياحبيبي
زهير
-
شغلتي ياشيخ ..لازم افحص كل شي قبل الاستعمال
..حتى سريري في البيت بفحصه قبل ماانام
جميله
-
وبقول ليش هناء فلت من عندك ...ايوة ياشيخ
..شو سبب هالزيارة
الشيخ بهلول
-
خير يابنتي خير انشالله ...صلي على النبي
جميلة
-
اللهم صلي وسلم على سيدنا محمد ..نعم
الشيخ بهلول
-
الزواج يابنتي نصف الدين ..وومن يريد ان يكمل
دينه فليتزوج ...والزواج فيه استقرار واطمئنان قال تعالى ومن اياته ان خلق لكم ا
من انفسكم ازواجا لتسكنوا اليها وجعل
بينكم مودة ورحمة ان في ذلك لايات لقوم يتفكرون...يعني من الاخر ..وبدون مقدمات
وبعتبارك انك ولية امرك ومقطوعة من شجرة ...انا بطلب ايدك للزواج
جميلة
-
مين بدو يجوز مين ...
زهير
-
انا ..انا بدي اتجوزك على سنة الله ورسوله
...يعني بالعامية انحط زيتاتي على زعتراتك ونعمل مناقيش اصغيرة
جميلة
-
انت فران ولا ميكانيكي ..لو زيتك في خير
ماتركتك مرتك الاولانية ..
الشيخ بهلول
-
يابنتي الزيت العكر ..مابظل عكر ..صفيه
..استني عليه ..اعطيه وقت حتى يصفا
جميلة
-
ياشيخ بهلول ..السوق مليان والزيوت انواع
..انا صارعمري اربعين سنه ..يعني ماعندي طولة بال ..اقعد اصفي زيوت الناس ...حبيبي
روح شوفلك وحدة زيتها زي زيتك ...
زهير
-
ليش يعني مابدك تجوزيني ..انا زلمة كسيب
وعندي محل ميكانيك وبكسب ذهب ..بعدين بكرا اذا اتجوزنا بنكبر المحل وبنعمل فروع
تانيه زي محل بناشر مثلا ..انتي منك الهوا وانا مني الرقع ..
الشيخ بهلول
-
سكت دهرا ونطق كفرا ..المسمار اللي براسك
..خزق تيوب مخك ...اسكت ماتحكيش ..ولا بناديلك الاستاذ عمران يمدك فلكة ...(يدخل
عمران فاتح الباب بقوة احم فيقع الشيخ
بهلول على الارض ويتحرج هو والكرسي).
جميلة
-
بصوت عالي ...قول ..ياعيني عليك ياهداف ..هاي
الزلم اللي بتفتح النفس ...مش زيك بتسكر النفس
...
عمران
-
حد منكو ناداني ..يالطيف مالك ياشيخ بهلول
...هيك متكعبل ..ينظر الى جميله ...مين ضربه للشيخ بهلول ..مين شاطه هيك
زهير
-
حظرتك ...اتقول داخل ...على حلبة مصارعة
..دفشت الباب ..قلبت الزلمة اربع قلبات ...جميله اطلبي رقيب السير ..خليه يعمل كروكة
..ومخطط للحادث ..
الشيخ بهلول.
-
اخ ياعظامي ..اخ ياشعر لحيتي ..اخ يامامي
ويادادي ..
عمران
-
معلش ياشيخ ..ثاني لاتقعد خلف الابواب
الموصدة ...شيلوا يازعير ..
زهير
-
زعير ..انا زهير يابا ..
جميلة
-
يارب ماتحرمني ..من دخلاتو ..ولا دماتو
...عمران ..باركلي ..اجاني عريس ...معرس.. جاهز ..ومتهندس ..ميكانيكي دراجات
هوائية ...وبالمستقبل رح يفتح محل بناشر للمراوح الهوائية ...
عمران
-
قصدك العرسه هاظ ..ويشير الى زهير ..ومين
الواسطة في لم شمل المتعوسة على خايب الرجا ..
جميلة
-
انا متعوسة ...ياعايب ياشايب ..يامقصوص
الشسية ..بالقهارة فيك رح اتجوزه ..واكيدك واكيد ممرضة بنتك اللي كانت مرته لخايب
الرجا
عمران
-
شو ياشيخ بهلول ..كم رح توخذ كمشن على
هالزواجة ..
الشيخ بهلول
-
يتوجع ...اتقي الله يارجل ..انا بقرب راسين
بالحلال ..
عمران
-
قصدك كبشين بسوق الحلال ..عنزة ولقت تيسها
..لايقين على بعض
جميلة
-
يعني انت ياعمران موافق ..يعني انا مش من ضمن
خططك المستقبلية ...يعني سمير مافاتحك بموضوع الجثة والزواج ...
عمران
-
الجثة والزواج ...مش فاهم ..ايوة الله يرحمك
يازهير ...بعد الزواج رح اتكون جثة هامدة ..وتلحق ابو جميلة ...امبسط ياعم بهلول ...الارواح
بتناديك ...اتطهرها وتغسلها وتنزلها مثواها الاخير ..ياابني يازهير ..انفذ بريشك
...مادام عندك ريش ..انت رح تتجوز ..غرفة عزرائيل متنقله ...اسمها جميلة ..
زهير
-
ومع هيك رح اتجوزها ...
عمران
-
ياسيدي اتجوزها وذنبك على جنبك ...انا نصحتك
..ولعلمك انا كمان ناوي اتجوز ..طليقتك ..هناء الروح والقلب البلسم الشافي ..ملاك
الرحمة والنور ..مش زي جنية الليل ..والسجون
جميلة
-
ايوة اظهر وبان
عمران
-
عليك الامان
جميلة
-
على حقيقتك ...واحد بتجوز وحدة من جيل اولاده
...
عمران
-
احسن مايتجوز وحدة من جيل الفراعنه ...مالني
شباب ..وصحة ...صحيح ضهري مكوس وعيوني سلامة اتسلمك ...وركبي اتقول ركب جدي مسهول
...وسناني طقم من سوق الجمعة مستعمل ...بس بعدني امطقطق ...ومهظوم وهناء بتحبني
...
زهير
-
مزبوط ياجدي ...هناء بتحب الانتيكات كثير
...وخاصة الاشياء المنقرضة ..
عمران
-
اخرس ...انت اخر واحد بفتح ثمه ...انا عارف
ليش بدك تجوز جميلة بنت صاحبي وجاري وحبيبي الله يرحمه ...
جميلة
-
اكيد عشان جمالي ..وانوثتي الطاغية ..وقوامي
المياس ...ياشيخ بهلول ..انا موافقة اتجوز زهير ...
زهير
فرحان ويغني ...ياحلالي يامالي ..والله ورح
نجوز تاني ...
جميلة
-
خطبة يامسكع الوجه مش زواج على طول ..لازم
ادرس اخلاقك بالاول
عمران
-
وانت يازهير لازم كمان تدرس ..المجاري قبل
دخولها بالاول ..لانه لكل مجرى منهل ...
زهير
-
ياشيخ بهلول ...انا مستعجل بدي اتجوز ..
الشيخ بهلول
-
انت بتحكيلي الي لويش هو انا رح اجوزك امي
...هاي العروس قدامك ...اتفق انت وياها
عمران
-
لاتستعجل تانى فبالتاني السلامة وبالعجلة
الندامة ...لاتستعجل على نهايتك ...حتى لاتفضح اهدافك ..قالها لزهير بصوت منخفض
حتى لااحد يسمعه ...واكمل ..وانا لك بالمرصاد ...لن تفرح بفلس احمر من فلوس
هالمسكينه
جميله
-
شو عمال بتفسد فيه ...ترى اوعك اترد عليه
...هاظة عمران سوسه ...نكاش ....مابحب الخير لحده ..وانت ياعمران ..ماالك ولاية
عليا ..ولا سلطة ولا فته
زهير
-
ولا خيار مكبوس
عمران
-
ابوكي ياجميلة ...وصاني عليكي اكثير ...دير
بالك على جميلة ياعمران ...جميلة هبلة ياعمران ...جميلة برقبتك ياعمران ...جميلة
ناقصة عقل وفهمها على قدها ..اذا حبيت تتجوز اوعك تجوزها ...بتشلك وبتجلطك ...ابلي
واحد غيرك فيها بس دير بالك على فلوسها ومالها ...فياويلك ياظلام ليلك اذا بعرف
انك اخذت فلس من فلوسها ..
جميلة
-
حبيبي هاي فلوسي وانا حر فيها ...انشالله
بعطيها لضراب الطبل او لنطاط الحبل ..لا انت ولا ابوي الكو شغل فيا ...مالي وانا
حره فيه ...بعطيه بهديه مالي وانا حره فيه ..ولا شو رايك ياشيخ بهلول..
الشيخ بهلول
-
الحقيقة ..ان المراءة ..حره في مالها...تعطيه
لمن تحب عن طيب خاطر ...فلامانع للشرع في ذلك ...حتى الكمشن تبعي ..لايجوز ان
تنكريه على من كان السبب في الزواج
عمران
-
ياحبيبي ..ياشيخ شيوخ النصابين ..وفاتي فتاوي
النجارين ...تفصل الفتوى على القياس ..وتضع القفل في الترباس ...
في هذه اللحظة يدخل مازن ابن زهير وكله شحبار
اسود
مازن
-
ولع المحل يابا... ولع المحل ...
زهير
-
شو بتقول ياابن الكلب ...كيف ولع المحل...مين
اللي ولعو
مازن
-
بالغلط يابا ..حطيت بنزين بالبطارية فكرتها ميه ...شبكتها بالسيارة
وشغلت ...ولا اشي قال بووووووووو..اتقول قنبله يابا ...ولعت السيارة ...وولع المحل
...وكان في صاحبك ابو عاطف ...بيشرب شاي ..ولع وهو كاسة الشاي
زهير
-
المهم ابريق الشاي ولع ولا ماولع ..يعني ظل اشي بالمحل ...
مازن
-
ظل يابا ظل ...امسك فاتورة كهربا ...جابها الجابي ..هي الوحيدة اللي
اقدرت انقضها ...
زهير
-
الله لايوفقك يابا ..
مازن
-
بصوت خافض ...كيف ابنك ممثل عالمي ....مشيت عليهم الحيلة ...
جميلة
-
ولا يهمك يازوزو مالي فداك ...اصلا المحل اجرب زي صاحبه ومابليق فيا
كزوجة مستقبل ...انا رح افتحلك وكاله للسيارات ..ولا تزعل ولا تهتم ...
عمران ...
-
بلش النصب من اوله ...
تعليقات
إرسال تعليق